Labis na ikinalungkot ng Police Regional Office-MIMAROPA ang pagkamatay ng dalawang dedikadong miyembro ng Regional Mobile Force Battalion na sina Pat Laudelino Samarita Lomio II at Pat Ruzzel Jay Ferrer Fontarum, na kapuwa na tinamaan ng kidlat sa malakas na pag-ulan habang isinasagawa ang kanilang mga tungkulin sa loob ng kampo sa Naujan, Oriental Mindoro noong gabi ng Mayo 14.

Sa kabila ng agarang tulong at CPR na ibinigay ng mga kapwa opisyal, pareho silang idineklara na dead on arrival sa Mindoro Medical Center.

Sa pahayag ni PBrig.Gen.Quesada, regional director, ang kanilang kalunos-lunos na pagkawala ay isang masakit na paalala ng mga tahimik na panganib na kinakaharap ng kapulisan sa paglilingkod sa bayan.

“Sa ngalan ng PRO MIMAROPA, ipinaaabot namin ang aming lubos na pakikiramay sa kanilang mga pamilya at mga mahal sa buhay. Kami ay nakatuon sa pagbibigay ng buong tulong, benepisyo, at karangalan upang matiyak na ang kanilang mga sakripisyo ay nararapat na kinikilala at ang kanilang mga pamilya ay sinusuportahan sa mahirap na panahong ito.”

Aniya, ang kanilang dedikasyon at katapangan ay hindi malilimutan. “Nawa’y magpahinga sila sa walang hanggang kapayapaan.”