Sa pagsisimula ng bagong termino sa panunungkulan ni Governor Doktora Helen Tan, kaagad na pinasimulan ang “Kalinga sa Mamamayan Libreng Gamutan o Medical Mission” noong Hulyo 5 sa Brgy. Tiniguiban Calauag, Quezon.

‎Ang pagkakaisa ng mga doktor, ispesyalista, nurse, sundalo at mga kawani ng Pamahalaang Panlalawigan ay nakapaghatid sa 2,301 benepisyaro mula sa nasabing bayan ng libreng serbisyong medikal gaya ng Medical Consultation, Dental Extraction, Tuli, Minor Surgery, Bukol screening, Optical service, OB ultrasound, ECG, X-Ray, FBS, Cholesterol, Uric Acid, UACR, CBC, Blood Typing, Urinalysis, HIV Test, Family Planning, Cervical Screening at Breast Screening.

‎Taos-pusong nagpasalamat si 4th District Congressman Atty. Mike Tan bilang kinatawan ni Governor Tan sa dedikasyon at hindi matatawarang malasakit ng mga nagbalikatan upang maging matagumpay ang medical mission.‎

Isinasagawa rin noong Hulyo 6 ang Medical Mission sa Guinayangan Quezon at marami pang bayan sa Quezon ang susunod na bibisitahin ng mga grupo ni Gov. Helen Tan.