Pormal ko na po tabi pig-file kasubagong alas-kwatro nin hapon ngoniang aldaw su sakuyang Certificate of Candidacy para GOBERNADOR kan Probinsiya nin Albay.

Dakulang salamat sa labing dos mil (2,000) na suportadores sa kinseng munisipyo asin tolong siyudad kan Albay sa pag-iba sa sako. Makaogmahon po na maski hale pa kamo sa mga hararayong lugar, pinaheling nindo an espwersos nindo… maski nabalad kamo sa init… maski namaas an saindong mga boses sa kasusuriyaw… maski dapluson na kamo… pinaheling nindo sako an saindong pakikisumaro sa marhay na pago-gobyerno.

Ngonian na tapos na an pag-file ko, padagos ako giraray na matrabaho para saindo… magibo asin ma-implementar kan mga programa asin proyekto na mapagian kan buhay nindo… ma-isip ki mga marhay na inobasyon para masolusyunan an problema sa halangkaw na kilowatt hour (kWh) kan kuryernte… i-asegurar na padagos an satuyang marhay na pagtao nin serbisyo sa mga ospital kan Albay… pakusugon an ekonomiya kan sektor agrikultural… tawan nin mas dakol na tabang an satuyang mga estudiantes… siguradohon na magusbong an komersiyo sa satuyang mga puerto… magkaigwa nin mga PPP o mga Joint Venture Agreements sa mga potensyal na investors sa Renewable Energy sa Albay.

Haloy pa tabi an karampanyahan sa Marso 28, 2025 pa. Kaya asahan nindo an padagos ako na pagtrabaho para sa saindo gabos!

Padaba asin payaba ko kamo gabos, Albayanos!