LA UNION — Nasa 99 na kinatawan mula sa registered cooperatives sa La Union ang dumalo sa orientation sa Republic Act 11765 o Financial Products and Services Consumer Protection Act sa Bauang North Central School, Bauang, La Union. Layunin nito na ihanda ang mga kooperatiba sa mga bagong alituntunin kabilang na ang pagtatatag ng Financial Consumer Protection Assistance Management System (FCPAMS).
Patuloy ang ugnayan ng Provincial Government of La Union-Provincial Cooperative Development Office sa Cooperative Development Authority (CDA) sa pagsusulong ng financial education at consumer awareness para maprotektahan ang karapatan ng bawat miyembro ng kooperatiba. Sa orentasyon na ito, nabigyan ng kaalaman ang CDA-Regulated Entities sa transparency at accountability para mapanatili ang kanilang sustainable financial operations.
Pinangunahan ito ng CDA-Region 1 Extension Office na dinaluhan nina Supervising Cooperative Development Specialist Edilberto G. Unson, Acting Senior Cooperative Development Specialist Arlene C. Espinoza, Senior Research Specialist Jim Ian A. Bautista, Bauang Municipal Cooperative Development Officer Mercedes S. Tejada, Cooperative Development Specialist II Rocelyn C. Banayat at Constancia A. De Guzman.
Kabilang sa mga kinakailangan ng FCPAMS ang pagbuo ng Consumer Assistance Team, Policies and Procedures, at Board Approval. Itinakda naman sa December 31, 2026 ang compliance deadline para sa mga Micro at Small Cooperatives.
