BAGUIO CITY – Nilinaw ni Mayor Benjamin Magalong na walang dahilan para mag-panic o’ mag-syu ng lockdown kaugnay sa kauna-unahang monkeypox o mpox na naitala sa siyudad ng Baguio.
Ayon ay Magalong, nagsasagawa na din sila ng contact tracing, para alamin ang naging close contact ng pasyente. “Encountering difficulties because the close contact refuse to divulge more information.”
Aniya, nagpalabas siya ng alert status para mabigyan ng babala ang publiko na sundin ang mga pag-iingat sa kalusugan dahil ito ay isang isang viral disease na kadalasang nailalarawan ng mga pantal o paltos at gawin ang mga nakagawiang health protocols tulad ng paggamit ng face masks at pagsunod sa physical distancing, hand and personal hygiene at proper ventilation.
Iniulat ni Dr. Celia Flor Brillantes, chief ng City Health Services Office, na isang 28-anyos na lalaki ay nagkaroon ng impeksyon na hindi gaanong malubhang uri ng Clad II Mpox virus at hindi Clade I na itinuturing na nakamamatay.
Nailabas na sa isolation at ngayon ay nagpapagaling na lamang ang pasyente.
Ipinaliwanag naman ng Department of Health (DOH), na ang Mpox virus ay maaaring magkaroon ng “human-to-human transmission through direct contact with skin or mucosal lesions” tulad ng “talking or breathing, kissing, touching, hugging or sexual intercourse and also through respiratory mga sekreto.”
Maaari din itong makuha nang hindi direkta sa pamamagitan ng kontaminadong bedding, damit o linen o iba pang mga bagay.
Kasama sa mga sintomas ang pantal sa balat o mucosal lesions na sinamahan ng lagnat, namamagang lymph node at namamagang lalamunan, pananakit ng kalamnan at pananakit ng likod, sakit ng ulo at mababang enerhiya.
Dapat sundin ang mga health protocol upang maiwasan ang impeksyon tulad ng pagtatakip ng bibig kapag umuubo o bumabahing, pag-iwas sa balat sa balat at pananatili sa mga matataong lugar, madalas na paghuhugas ng kamay, pagpapanatili ng magandang daloy ng hangin, at iba pa.
Sinabi pa, gawin upang maka iwas sa Mpox o Monkeypox Virus ay kailangan ipairal ang INGAT ( 𝗜 – wasan ang matagal na skin-to-skin contact at pakikipagsiksikan sa matataong lugar. 𝗡 – gayong uso ang kaparehong sintomas ng trangkaso, magsuot ng face mask, long sleeves, at pantalon kung pupunta sa matatao at kulob na lugar. 𝗚 – awin ang tama at madalas na paghuhugas ng kamay at pag-sanitize sa mga bagay na madalas hawakan. 𝗔 – lamin ang mga mahahalagang impormasyon tungkol sa Mpox at bantayan ang sarili sa mga sintomas. 𝗧 – umawag o pumunta sa na health center kung mayroong isa o higit pang sintomas. By Zaldy Comanda
