BORONGAN CITY, Philippines — Umani ng tagumpay ang City Government of Borongan matapos kilalanin sa prestihiyosong 2025 Manila Times Philippine Model Cities and Municipalities Awards.

Tinanggap ni Mayor Jose Ivan Agda ang mga parangal, kabilang ang 1st Runner-up para sa Livelihood and Employment, at 1st Runner-up para sa Eco-Friendly Category.

Binibigyang-diin ng mga parangal ang matibay na adbokasiya ng LGU para sa sustainable at inclusive development. Sa ilalim ng pamumuno ni Mayor Agda, binibigyang prayoridad ang pagpapalawak ng livelihood opportunities at mahigpit na pagprotekta sa natural resources ng lungsod, na naglalayong maiangat ang kabuhayan ng lahat ng Boronganon.