BANGAR, La Union — Tumanggap ng pinansyal na insentibo ang 130 octogenarian mula sa 21 barangay ng Bangar, La Union kamakailan sa Bangar Senior Citizen Hall.

Nasa kabuuang ₱1.3M ang ipinamahagi ng Pamahalaang Panlalawigan ng La Union sa mga senior citizen edad 85-89 years old, kasabay nito ang cash assistance para naman sa Bangar Senior Citizen Association.

Ang distribusyon ay alinsunod sa Provincial Ordinance No. 381-2022 na layuning bigyan ng monetary incentives ang mga Octogenarian, Nonagenarian at Centenarian sa La Union.

Pinangunahan ng Provincial Social Welfare and Development Office kasama ang Bangar Municipal Social Welfare and Development Office ang pag-abot ng tulong sa mga recipient.