SAN PABLO CITY,Laguna,Philippines —  Tinanggap ng 322 mag-aaral mula sa iba’t-ibang paaralan ng San Pablo City ang tig-₱9,000 allowance mula sa Special Program for Employment of Students (SPES) ng Public Employment Services Office (PESO) katuwang ang City Social Welfare and Development Office (CSWDO).

Pinamunuan ni PESO Manager Pedrito D. Bigueras at CSWDO Administrative Officer V Edward C. Alcantara ang pamamahagi ng allowance na ginanap sa One Stop Processing Center.

Nagsilbing kinatawan ni Mayor Arcadio “Najie” B. Gapangada Jr. si Senior Advisor to the Mayor, Former Ambassador Romy Manalo, na nagbigay ng inspirational message upang hikayatin ang mga estudyante na mas lalo pang pagbutihin ang kanilang pag-aaral at maabot ang pangarap na mas magandang buhay.

Ang mga mag-aaral na naging bahagi ng SPES ay nagtrabaho sa kani-kanilang barangay bilang data encoder, profiler, at assistant sa mga indigency programs.